Poetry Sms in urdu and hindi

(1) Os ka khayal zehn pey chaya, c

Os ka khayal zehn pey chaya, chala gaya
badal sa koi ankh mein aya chala gaya

Ay raat tu ney apna bharosa ganwa diya
tu ney jo khuwab ankh mein laya chala gaya

Honton pey is tazaad ney pehrey bitha diye
hum ney tou jis kisi ko bulaya, chala gaya

Acha he tha ke dhop mein jalte kisi ke sang
chaaon mein Aa ke baithy tou saaya chala gaya

Os shehr-e-khamoshi ka bhi apna mizaj tha
jis ney bhi Aa ke osko basaya chala gaya

Jhonka hawa ka dil ko mere chou gaya aarfeen
aur os ney ik raaz churaya chala gaya...

(2) Umer bhar kuch bhi tou apne li

Umer bhar kuch bhi tou apne liye hum ney na kia!
Aaj fursat jo mili hum ko tou socha, katre

Hum tou is khail ka hissa thay azal sey shayed
so tamasha jo na banty tou tamasha karte

Dil ko taskeen he mil jati zara si is sey
na nibhate chalo tum koi wada tou karte

Bhol janey ka irada bhi irada he raha
jaan par ban he tou jati jo hum aisa karte

Is amawas ney kiye qatal kai chand aarfeen
hum ujalay ki kahan is sey tamana karte?

(3) SaaYaBaYabaan-E-Dil Per Koi Dh

SaaYa


BaYabaan-E-Dil Per Koi Dhundla Aks LehraYa,


Kohre Ki Bizaamat Main Yaadon Ki ParchaaiYon Ko Hai PaaYa,


Sunsaan Khandar Hai Dil Mera Jis Main Na Koi Makeen Na Shehdaai Kabhi Tikk PaaYa,


K Jo Bhi AaYa Palat K Wapis Chala GaYa,


Isi Darr Se K Tera SaaYa AaJ Bhi Mere Dil Pe Asarwaar Hai
Rocks

(4) Ishq hai to ishq ka izhaar hon

Ishq hai to ishq ka izhaar hona chahaiye

Aap ko cheherey se bhi beemaar hona chahaiye

Apni yaado se kaho ik din ki chutti dey hamey

Isq k hissey me bhi Itwaar hona chahaiye

(5) Ay dil ! Tujhe dushman ki bhi

Ay dil ! Tujhe dushman ki bhi pehchan kahan hai?

Tu halqa-e-yaaran mein bhi muhtat raha kar..!!

(6) Muqadar sey kaho phir sey sita

Muqadar sey kaho phir sey sitam eijad mat KaRNa
Koi Aabad hai dil mein, osey barbad mat KaRNa

Woh ik shab khuwab sa ban kar utar aye ga Aankhon mein
Ye palkein mond lena aur osko yaad mat KaRNa

Hansi mein he urra dey ga zamana dil ki baaton ko
Kisi ke samney bhi paish tum rudad mat KaRNa

Riha ho kar gohar palkon sey mil jaty hain mitti mein
Mujhe qaid-e-mohabat sey kabhi Aazad mat KaRNa

Issi mausam mein dil ke kaafley lut'ty huwe dekhy
In ankhon mein gulabon ko kabhi Aabad mat KaRNa...

(7) Chaand sa chehra ho tou bolo k

Chaand sa chehra ho tou bolo kya hota hai
Rang sunehra ho tou bolo kya hota hai

Beech bhanwar ke tanha chhor ke pochty ho
Sagar gehra ho tou bolo kya hota hai

Bhanwry jaisi baatein karti ankhon par
Pyar ka pehra ho tou bolo kya hota hai

Phol khilay hon chaaron janib aur mann mein
Pat-jharr tehra ho tou bolo kya hota hai.

(8) Haasil-e-deed ki zarorat haiNa

Haasil-e-deed ki zarorat hai
Nayi umeed ki zarorat hai

Pyar KaRNa faqt kafi nahin
Is mein tajdeed ki zarorat hai

Tishnagi aur barh gai khat sey
Aa teri deed ki zarorat hai

Kaun ik saal raasta dekhey
Roz ab eid ki zarorat hai...

(9) Zindagi ke saaz ka toota huwa

Zindagi ke saaz ka toota huwa har taar hai
Koi naghma is mein ubhrey sochna bekaar hai

Maslihat ki koi bhi zanjeer pairon mein nahin
Aisa kyun lagta hai jaise dil pas-e-deewar hai

Jab hakomat keh rahi hai aman hai chaaron taraf
Khoon mein douba huwa kyun "Aaj ka akhbar" hai

Yunh khushi ke naam sey dil kaanp uthta hai batol
Zindagi ka raqs jaise maut ki jhankar hai...

(10) Aai thi ik sadaa si magar yaad

Aai thi ik sadaa si magar yaad ab nahin
Auron sey thi juda si magar yaad ab nahin

Tehreer oske chehrey pe ik ajnabi si thi
Aankhein thin aashna si magar yaad ab nahin

Tark-e-taluqat ka jo ban gai sabab
Woh baat thi zara si magar yaad ab nahin

Ankhon ki khushk jheel mein utrey tou ye khula
Thi rouh kitni piyasi magar yaad ab nahin

Kuch yaad Aa raha hai ke Aaghaz-e-hijar mein
Chhai tou thi udasi magar yaad ab nahin

Kuch osko daiyr ho gai aanay mein aur kuch
Thi umer bewafa si magar yaad ab nahin...!!